Didifila bua Buimpe Bupite

- Disambila dia Kutumbisha -

Nzambi wanyi, udi munene bikole, ne midimu yebe idi mimpe kupita yonso. Ku ntuadijilu, wakafuka diulu ne buloba. Buloba buvua kabuyi ne mpala, kabuyi ne kantu, ne mîdima ivua pa mutu pa ndondo wa mâyi.

Tatu wa kashidi, mu matuku asambombo, lungenyi luebe lutoke ne lunene luakakumbana, ku diambuluisha dia mishindu ya kuenza milongame bimpe, bilondeshile ndongamu uwakenza mu buakane buonso, kakuyi kushiya muaba kudi mpukapuka anyi kudi bintu kabiyi bitekemela.

Mudimu wonso wakapetesha tshimuma. Ku ndekelu kua tshitupa tshionso, wakatangila muvua bintu. Disanka diebe bua mudimu webe diakalua nsapi wa tshitupa tshilonda, diakakolesha muoyo ku mudimu.

Mu kutangila mudi mudimu webe ke muwakamona ne Adama uvua nkayende. Bua kukumbaja muaba eu bimpe, pa kubueja Adama mu mudimu wa difuka, wakapita tshivuaye mutekemene, pakamonaye tshifukibua tshebe tshia dikema.

Wakamfuka mu tshimfuanyi tshiebe, mufuanangane ne wewe. Dîyi diebe didi muendu ku makasa anyi, ne butoke mu njila wanyi. Ndi mulue pa buloba ebu bua kubudiundisha ku bulombodi buebe.

Tatu, ndi nkutumbisha, bualu udi wenza malu a dikema. Dîyi diebe didi dimbela bua ngenze bionso ne muoyo mujima, bu bua kudi wewe nkayebe, ki bua bantu to.

Mfukame kumpala kwebe ne kanemu, ndi nkemena butumbi bua midimu yebe. Tatu, mubanjibue ku dimanya edi, ne musue kuenza bu muwudi, ndi ndifila bua kulonda buimpe bupite, mushindame bikole mu ditumikila.

Jean-Honoré Mukendi Meji Kazadi