Kudipesa Sambu na Mbote ya Kuluta

– Lusambulu ya Kukumisa –

Nzambi na mono, nge kele nene mingi kibeni, mpi bisalu na nge kele ya mbote kuluta yonso. Na luyantiku, nge salaka zulu ti ntoto. Ntoto vandaka ya kukonda mutindu mpi mpamba, mpi mpimpa vandaka na zulu ya madiba ya kukonda nsuka.

Tata ya mvu na mvu, na bilumbu sambanu, ngindu na nge ya pwelele mpi ya nene lunganaka, na nzila ya bisalu yina salamaka mbote, na kulanda lukanu yina lungisamaka mbote kibeni, kukonda kubikisa kisika ata fioti sambu na mambu ya kintulumukina to yina zabanaka ve.

Konso kisalu nataka mbuma. Na nsuka ya konso kitini, nge talaka mutindu mambu vandaka. Kiese na nge sambu na kisalu na nge vandaka nsapi ya kitini yina landaka, mpi yo pesaka ntima kikesa sambu na kisalu.

Na kutala mutindu kisalu na nge vandaka, nge monaka nde Adamu vandaka yandi mosi. Sambu na kufika kigonsa yina ya mpamba mbote kuluta, na kuvukisa Adamu na kisalu ya kuganga, nge salaka kuluta yina yandi vandaka kuyindula, ntangu yandi monaka kisalu na nge ya kitoko kuluta.

Nge salaka mono na kifwani na nge, na mutindu na nge. Ndinga na nge kele mwinda sambu na makulu na mono mpi nsemo na nzila na mono. Mono kwisaka na ntoto yai sambu na kuyedisa yo na nsi ya kutwadisa na nge.

Tata, mono ke kumisa nge, sambu nge ke salaka mambu ya kitoko mingi. Ndinga na nge ke lomba mono na kusala mambu yonso ti ntima ya mvimba, bonso sambu na nge, kansi sambu na bantu ve.

Na kufukama na ntwala na nge ti luzitu, na kukumisa nene ya bisalu na nge, Tata, sambu nzayilu yai me kumisa mono mvwama mpi mono ke zola kusala bonso nge, mono ke kudipesa sambu na kulanda mbote ya kuluta, na kuvanda ya kusikama ngolo na kulemfuka.

Jean-Honoré Mukendi Meji Kazadi